05.06.2017

 

Одбележување на шеснаесет годишнината од загинувањето на припадниците на безбедносните сили од гарнизонот Тетово

По повод шеснаесет годишнината од загинувањето на припадниците на безбедносните сили од гарнизонот Тетово во конфликтот во 2001 година, во касарната „Народен Херој Кузман Јосифовски-Питу“ во Тетово, се реализираше одбележување на помен на загинатите и полагање на свежо цвеќе.

 

Припадниците на АРМ вработени во гарнизонот Тетово, пред спомен плочата која е поставена пред командата на гарнизонот Тетово во нивна чест, достојно оддадоа почит кон ликот и делото на загинатите, а командантот на гарнизонот Тетово потполковникот Игор Спасеноски одржа пригоден говор. Покрај останатото, потполковникот Спасеновски истакна: „Нивната жртва за Македонија останува во трајно сеќавање меѓу нас и нашите идни поколенија, затоа што со својата длабока и широка човечност, несебичност и другарство, овие личности го пленеа и освојуваа секого и ни покажаа како треба да се сака и брани својата татковина. Нека Ви е вечна слава јунаци!“.

        

Делегации од претпоставената команда, гарнизонот Тетово, претставници на здруженијата на борци, сојузот на резервни офицери, воени ветерани и воени инвалиди и семејствата на загинатите, положија свежо цвеќе на спомен обележјето во касарната „Народен Херој Кузман Јосифовски-Питу“ во Тетово.

        

Со денешното одбележување на помен во чест на загинатите безбедносните сили од гарнизонот Тетово, припадниците на АРМ и останатите гости оддадоа почит кон нивниот патриотизам, храброст и несебичност на загинатите во заштитата на територијалниот интегритет и суверенитет на Република Македонија.