27.12.2017

Традиционална пред новогодишна средба на НГШ на АРМ со пензионирани генерали на Армијата на Република Македонија

Во Генералштабот на АРМ, традиционално, на самиот завршеток на тековната година се реализира средба на началникот на генералштабот на АРМ, со поранешните началници на ГШ на АРМ и пензионирани генерали во Армијата на Република Македонија.

 

На средбата, од страна на НГШ на АРМ, генерал-потполковник Методија Величковски, ЗНГШ на АРМ генерал мајор Мухамет Рацај и директорот во ГШ, генерал мајор Димче Петровски, генералите на АРМ во пензија се запознаа со сегашните и планирани активности, реформските процеси, како и актуелната состојба и функционирање на АРМ.

 

Притоа од страна на генералите, кои во својата активна служба во АРМ го имаат вложен својот придонес во изградбата и сегашната поставеност на Армијата на Република Македонија се искажани нивните ставови и размислувања за актуелни прашања во АРМ , како и предлози и сугестии поврзани со функционирањето на АРМ.

 

Цел на оваа работна средба која се одржува традиционално во пресрет на новогодишните празници е информирање на пензионираните генерали за процесите во АРМ во остварување на својата уставна функција и конструктивна размена на мислења.